കാസര്‍കോട്: ജെ.സി.ഐ കാസര്‍കോട് മേഖലയിലെ ഈ വര്‍ഷത്തെ പുരസ്‌കാരങ്ങളില്‍ ജെ.സി.ഐ കാസര്‍കോടിന് അഞ്ച് പുരസ്‌കാരങ്ങള്‍.  വ്യക്തിഗത വിഭാഗത്തില്‍ രണ്ടും ഗ്രൂപ്പ് വിഭാഗത്തില്‍ മൂന്നും പുരസ്‌കാരം കൂടാതെ മാനേജ്‌മെന്റ്, പ്രോഗ്രാം, പരിശീലനം എന്നിവയിലെ പ്രവര്‍ത്തനങ്ങള്‍ക്ക് അംഗീകാര പത്രവും ലഭിച്ചു. 60 ചാപ്റ്ററുകള്‍ അടങ്ങുന്ന സോണ്‍ തലത്തില്‍ ഏറ്റവും മികച്ച പ്രസിഡന്റ് പുരസ്‌കാരം ജെ.സി.ഐ കാസര്‍കോട് പ്രസിഡന്റ് മുജീബ് അഹ്മദും ജെ.സി.ഐ ഉദയഗിരി പ്രസിഡന്റ് ഡോ. ജയ്‌സണും പങ്കിട്ടു. പുരസ്‌കാരങ്ങള്‍ മേഖലാ കോണ്‍ഫറന്‍സില്‍ വെച്ച് ജെ.സി.ഐ കാസര്‍കോട് അംഗങ്ങള്‍ ഏറ്റുവാങ്ങി.