ഗാന്ധിനഗര്‍: അസാധുവായ നോട്ടുകള്‍ മാറ്റാനായി പ്രധാനമന്ത്രി നരേന്ദ്രമോദിയുടെ മാതാവും ബാങ്കിലെത്തി. ഗുജറാത്തിലെ ഗാന്ധിനഗറിലുള്ള ബാങ്കിലാണ് 95 കാരിയായ ഹീരാബെന്‍ നോട്ടുകള്‍ മാറ്റാനായി എത്തിയത്.

ബന്ധുക്കള്‍ക്കൊപ്പമാണ് ഹീരാബെന്‍ എത്തിയത്. 500 രൂപാ നോട്ടുകളുമായെത്തിയ അവര്‍ ക്യൂവില്‍ നിന്നുകൊണ്ട് തന്നെയാണ് പണം മാറ്റി വാങ്ങിയത്. വീല്‍ചെയറിലാണ് എത്തിയതെങ്കിലും ബാങ്കിലെത്തിയതോടെ അവര്‍ ക്യൂവില്‍ നില്‍ക്കുകയായിരുന്നു.