ന്യൂഡല്‍ഹി: നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി നല്ല ബന്ധമാണ് തനിക്കുള്ളതെന്ന് പ്രധാനമന്ത്രി നരേന്ദ്രമോദി. അധികാരമേല്‍ക്കുന്ന റിപ്പബ്ലിക്കന്‍ സര്‍ക്കാര്‍ ഇന്ത്യയുമായുള്ള ബന്ധം മെച്ചപ്പെടുത്തുമെന്നാണ് പ്രതീക്ഷിക്കുന്നതെന്നും മോദി പറഞ്ഞു. ലോക്‌സഭാ സ്പീക്കര്‍ സുമിത്രാ മഹാജന്‍ ഒരുക്കിയ വിരുന്നു സല്‍ക്കാരത്തിനിടയിലാണ് പ്രധാനമന്ത്രി ഇക്കാര്യം പറഞ്ഞത്.

ട്രംപുമായി എങ്ങനെ സഹകരിക്കാനാണ് ഉദ്ദേശിക്കുന്നതെന്ന ചോദ്യത്തിന് ട്രംപുമായി തനിക്ക് നല്ല ബന്ധമാണുള്ളതെന്നും ഇന്ത്യ-യുഎസ് ബന്ധത്തില്‍ മാറ്റമുണ്ടാകുമെന്ന ഭയപ്പെടേണ്ടതില്ലെന്നും അദ്ദേഹം പറഞ്ഞു. നേതാക്കള്‍ പങ്കെടുത്ത വിരുന്ന് 75 മിനിറ്റോളം നീണ്ടുനിന്നു. ഇതിനിടയില്‍ ഇന്ത്യ-യുഎസ് പൂര്‍വകാല ബന്ധവും ചര്‍ച്ചയായി.