കാക്കനാട്: ഗുണ്ടാക്കേസില്‍ ഒളിവില്‍ കഴിയുന്ന സി.പി.എം ജില്ലാ കമ്മിറ്റിയംഗം സക്കീര്‍ ഹുസൈനെ മറയാക്കി തൃക്കാക്കര നഗരസഭ കൗണ്‍സിലര്‍ക്കെതിരേ യൂത്ത് കോണ്‍ഗ്രസ് ഒളിയാക്രമണം. സി.പി.എം കൗണ്‍സിലറുടെ പേര് പറയാതെയാണ് സക്കീര്‍ ഹുസൈന്റെ കൂട്ടാളിക്കെതിരെ യൂത്ത് കോണ്‍ഗ്രസ് സമരത്തിനൊരുങ്ങുന്നത്.
സക്കീര്‍ ഹുസൈന്റെ കൂട്ടാളിയായ കൗണ്‍സിലറെ അറസ്റ്റ് ചെയ്യണമെന്നാവശ്യപ്പെട്ട് മുനിസിപ്പല്‍ പ്രദേശത്ത് വ്യാപകമായി പ്രചാരണം ബോര്‍ഡുകളാണ് പ്രദര്‍ശിപ്പിച്ചിരിക്കുന്നത്.
വ്യവസായിയെ തട്ടിക്കൊണ്ട് പോയി ഭീഷണിപ്പെടുത്തിയ കേസില്‍ പ്രതിയായ സക്കീര്‍ ഹുസൈനുമായി നഗരസഭ കൗണ്‍സിലര്‍ക്കുള്ള പങ്ക് പോലിസ് അന്വേഷിക്കണമെന്ന് യൂത്ത് കോണ്‍ഗ്രസ് ഈസ്റ്റ് വെസ്റ്റ് മണ്ഡം പ്രസിഡന്റുമാരായ റാഷിദ് ഉള്ളംപിള്ളിയും, കെ.ബി ഷരീഫും ആവശ്യപ്പെട്ടു.