എരമല്ലൂര്‍: എരമല്ലൂര്‍ സെന്റ് ഫ്രാന്‍സീസ് സേവ്യേഴ്‌സ് എല്‍.പി.സ്‌കൂള്‍ ശതാബ്ദി നിറവില്‍. എല്‍.കെ.ജി. മുതല്‍ അഞ്ചാം സ്റ്റാന്‍ഡേര്‍ഡ് വരെയുള്ള വിദ്യാലയം 1930-ലാണ് അഞ്ചാം ക്ലാസ് ആരംഭിച്ചത്.
നാരായണപണിക്കരായിരുന്നു ആദ്യത്തെ ഹെഡ്മാസ്റ്റര്‍. ആദ്യത്തെ അധ്യാപകന്‍ ശിവരാമ കൈമളും 1917 മെയ് 21ന് എരമല്ലൂര്‍ സെന്റ് ഫ്രാന്‍സീസ് സേവ്യേഴ്‌സ് പള്ളി വികാരിയുമായിരുന്ന ഫാ.ആന്റൊണിയമെന്‍ ഡസീസിന്റെയും നേതൃത്വത്തിലാണ് സ്‌കൂള്‍ ആരംഭിച്ചത്.
പൂര്‍വ്വവിദ്യാര്‍ത്ഥികളുടെ സംഗമം ഇന്നലെ സ്‌കൂളില്‍ നടന്നു. ഒരു വര്‍ഷം നീളുന്ന ആഘോഷ പരിപാടികളാണ് നടത്തുന്നതെന്ന് മാനേജര്‍ ഫാ.ജോസി കണ്ടനാട്ടുതറ, പി.റ്റി.എ.പ്രസിഡന്റ് പി.എം. സഫര്‍ എന്നിവര്‍ പറഞ്ഞു.