വെഞ്ഞാറമൂട്: നിയന്ത്രണം വിട്ട കാര്‍ കടയിലേക്കു ഇടിച്ചു കയറിയുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന കടയുടമ മരിച്ചു.തേമ്പാമൂട് പേരുമല മദീനാ ടീ ഷോപ്പ് ഉടമ പേരുമല മുട്ടുകോണത്ത് വീട്ടില്‍ അബ്ദുല്‍മജീദ് (65) ആണ് മരിച്ചത്. ഇക്കഴിഞ്ഞ തിങ്കളാഴ്ച 12 മണിക്കായിരുന്നു അപകടം. തേമ്പാമൂട്ടില്‍നിന്ന് വെഞ്ഞാറമൂട്ടിലേക്കു വന്ന കാര്‍ കടയിലേക്ക് ഇടിച്ചുകയറി അബ്ദുല്‍മജീദിന് ഗുരുതരമായി പരുക്കേല്‍ക്കുകയായിരുന്നു. തുടര്‍ന്ന് തിരുവനന്തപുരം മെഡിക്കല്‍കോളജില്‍ ചികിത്സയിലിരിക്കെ ഇന്നലെ പുലര്‍ച്ചെ മരിച്ചു. വെഞ്ഞാറമൂട് പൊലിസ് ഇന്‍ക്വസ്റ്റ് നടത്തി. മൃതദേഹം നന്നാട്ടുകാവ് ജമാഅത്തില്‍ ഖബറടക്കി. ഭാര്യ: പരേതയായ ലൈലാബീവി. മക്കള്‍: പരേതനായ സജീര്‍, റാസി.