തൊടുപുഴ: ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ പ്രവര്‍ത്തന രഹിതമായ ഹാന്‍ഡ് പമ്പുകള്‍ വരള്‍ച്ചാ ദുരിതാശ്വാസ പദ്ധതിയില്‍പ്പെടുത്തി റിപ്പെയര്‍ ചെയ്യാന്‍ ജില്ലാ കലക്ടര്‍ നിര്‍ദ്ദേശിച്ചു.
അതത് തദ്ദേശ സ്വയംഭരണ സ്ഥാപനങ്ങളുടെ അതിര്‍ത്തിക്കുള്ളിലെ ഇത്തരം ഹാന്‍ഡ് പമ്പുകളുടെ ലിസ്റ്റ് 25നകം ജില്ലാ ഓഫിസര്‍, ഭൂജല വകുപ്പ്, മിനി സിവില്‍ സ്‌റ്റേഷന്‍, തൊടുപുഴ പിഒ, ഇടുക്കി എന്ന വിലാസത്തില്‍ അയക്കണം.
അപേക്ഷയില്‍ പഞ്ചായത്ത്, വാര്‍ഡ്, പമ്പ് സ്ഥാപിച്ചിട്ടുള്ള സ്ഥലം, എത്തിച്ചേരാനുള്ള വഴി, വാര്‍ഡ് മെമ്പറുടെ ഫോണ്‍ നമ്പര്‍ എന്നിവ ചേര്‍ത്തിരിക്കണം.