അലക്കിത്തേച്ച് ഇസ്തിരിയിട്ടപ്പോള്‍ കീശലിയിലുണ്ടായിരുന്ന രണ്ടായിരം രൂപയുടെ കറന്‍സി നോട്ടിന്റെ നിറം മങ്ങിയെന്നായിരുന്നു കഴിഞ്ഞദിവസം വന്ന വാര്‍ത്ത. എന്നാല്‍ സമാനമായി നോട്ടുകള്‍ വെള്ളത്തില്‍ മുക്കി പരിശോധിക്കുന്ന വീഡിയോകള്‍ ഇതിനകം യൂട്യൂബില്‍ നിറഞ്ഞിരിക്കുകയാണ്.

സാമ്പത്തിക കാര്യ സെക്രട്ടറി ശക്തികാന്ത ദാസിന്റെ വാക്കുകളായിരിക്കാം അതിനു പ്രേരിപ്പിച്ചിട്ടുണ്ടാവുക. നനഞ്ഞ തുണിക്കഷ്ണം കൊണ്ട് മായ്ച്ചു കളഞ്ഞാല്‍ നോട്ടിന്റെ നിറം മങ്ങുമെന്നാണ് അദ്ദേഹം പറഞ്ഞത്. അങ്ങനെ നിറം മങ്ങിയാല്‍ നോട്ട് ഒറിജിനലാണെന്നും അല്ലെങ്കില്‍ വ്യാജമാണെന്നും കണ്ടെത്താമെന്നാണ് അദ്ദേഹം പറഞ്ഞത്.

പക്ഷെ, യൂട്യൂബിലെ ചില വീഡിയോകളില്‍ നോട്ടുകള്‍ വെള്ളത്തില്‍ മുക്കിയെടുക്കുന്നുണ്ടെങ്കിലും നിറമൊന്നും മങ്ങുന്നില്ല. എന്നാല്‍ ഈ വീഡിയോകളെ അത്രകണ്ട് വിശ്വസിക്കാനൊന്നും പറ്റില്ല. ഇനി നിങ്ങള്‍ ഇങ്ങനൊരു പരീക്ഷണം നടത്തി നോട്ട് മങ്ങിയാല്‍ ഭയപ്പെടേണ്ടതില്ല, നമ്മുടെ ശക്തികാന്ത ദാസിന്റെ വാക്കുകള്‍ ഓര്‍ത്താല്‍ മതി.