വിശാഖപട്ടണം: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റിനുള്ള ഇന്ത്യന്‍ ടീമില്‍ ഓപണര്‍ ലോകേഷ് രാഹുലിനെയും ഉള്‍പ്പെടുത്തി. വിശാഖപട്ടണത്താണ് രണ്ടാം ടെസ്റ്റ് നടക്കുക. പരുക്കിനെ തുടര്‍ന്ന് ആദ്യ മത്സരത്തില്‍ രാഹുലിനെ ടീമില്‍ ഉള്‍പ്പെടുത്തിയിരുന്നില്ല. ന്യൂസിലന്‍ഡിനെതിരായ പരമ്പരയിലാണ് താരത്തിന് പരുക്കേറ്റത്.
ഫിറ്റ്‌നസ് വീണ്ടെടുത്ത രാഹുല്‍ രാജസ്ഥാനെതിരായ രഞ്ജു ട്രോഫി മത്സരത്തില്‍ കര്‍ണാടകയ്ക്കായി സെഞ്ച്വറി നേടിയിരുന്നു. ഇതാണ് താരത്തെ ടീമില്‍ ഉള്‍പ്പെടുത്താന്‍ കാരണം. അതേസമയം ഗൗതം ഗംഭീറിനെ ടീമില്‍ നിന്ന് ഒഴിവാക്കിയേക്കും.