ബെര്‍ലിന്‍: ജമൈക്കയുടെ അതിവേഗ താരം ഉസൈന്‍ ബോള്‍ട്ട് പരിശീലനത്തിനായി ജര്‍മന്‍ ക്ലബായ ബൊറൂസിയ ഡോര്‍ട്മുണ്ടിലെത്തും. ബോള്‍ട്ട് ക്ലബില്‍ പരിശീലനം നടത്തുന്നുണ്ടെന്ന കാര്യം ക്ലബ് ചീഫ് എക്‌സിക്യൂട്ടീവ് ജോക്വിം വാറ്റ്‌സ്‌കെ സ്ഥിരീകരിച്ചു.
 ജര്‍മന്‍ കമ്പനിയായ പ്യൂമയാണ് ഡോര്‍ട്മുണ്ടിന്റെയും ബോള്‍ട്ടിന്റെയും സ്‌പോണ്‍സര്‍മാര്‍. പ്യൂമ പ്രസിഡന്റ് ജോണ്‍ ഗുള്‍ഡെന്‍ ക്ലബുമായി നടത്തിയ ചര്‍ച്ചയ്ക്ക് ശേഷമാണ് ബോള്‍ട്ട് ക്ലബിലെത്തുന്ന കാര്യത്തില്‍ തീരുമാനമായത്.
അതേസമയം ബോള്‍ട്ട് എന്നാണ് പരിശീലനത്തിനായി ക്ലബിലെത്തുകയെന്ന് വ്യക്തമായിട്ടില്ല.
ഡോര്‍ട്മുണ്ടിലെ പ്രധാന താരമായ പിയറെ ഔബമേയാങ് കളിക്കളത്തിലെ വേഗമേറിയ താരമാണ്. 30 മീറ്റര്‍ 3.7 സെക്കന്‍ഡിലാണ് താരം മറികടന്നത്.
ബോള്‍ട്ടിന് ഈ ദൂരം മറികടക്കാന്‍ 3.78 സെക്കന്‍ഡ് ആവശ്യമാണ്. ഇരുവരും തമ്മിലുള്ള മത്സരം കൂടിയാവും പരിശീലന സമയം.