കോട്ടക്കല്‍: കേരളത്തെ ലഹരിമുക്തമാക്കുന്നതിനായി വിദ്യാര്‍ഥി കൂട്ടായ്മകള്‍ ഉണര്‍ന്നു പ്രവര്‍ത്തിക്കണമെന്നു ഋഷിരാജ്‌സിങ് ഐ.പി.എസ്. എടരിക്കോട് പി.കെ.എം ഹയര്‍സെക്കന്‍ഡറി സ്‌കൂളില്‍ നടന്ന ബോധ'16 ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പ്രിന്‍സിപ്പല്‍ കെ. മുഹമ്മദ് ഷാഫി അധ്യക്ഷനായി. മാനേജര്‍ ബഷീര്‍ പൂഴിക്കല്‍, പ്രധാനാധ്യാപകന്‍ ഇ.കെ കുര്യാക്കോസ്, പി.ടി.എ പ്രസിഡന്റ് ജലീല്‍, കെ ബഷീര്‍, വി. പ്രമോദ്, പി.എം ആശിഷ്, കെ.പി നാസര്‍, പി.കെ അഹമ്മദ്, ഖദീജാബി സംസാരിച്ചു. സഹപാഠിക്കൊരു കൈത്താങ്ങ് പദ്ധതിയില്‍ ഉള്‍പ്പെടുത്തിയുള്ള സഹായധന വിതരണവും ഋഷിരാജ്‌സിങ് നിര്‍വ്വഹിച്ചു.