വണ്ടൂര്‍: വി.എം.സി മൈതാനിയില്‍ നടന്ന ഉപജില്ലാ കായിക മേളയില്‍ 271 പോയിന്റോടെ അടക്കാകുണ്ട് ക്രസന്റ് ഹൈസ്‌കൂള്‍ ജേതാക്കളായി. 148 പോയിന്റ് നേടിയ വണ്ടൂര്‍ വി.എം.സിക്കാണ് രണ്ടാം സ്ഥാനം. 116 പോയിന്റ് നേടി എ.എച്ച്.എസ് പാറല്‍ മമ്പാട്ടു മൂല മൂന്നാമതെത്തി. സമാപന ചടങ്ങില്‍ എ.ഇ.ഒ പി.പി നരേന്ദ്രന്‍ ട്രോഫികള്‍ വിതരണം ചെയ്തു. പി.ടി നാസര്‍ അധ്യക്ഷനായി. പി.ഫൈസല്‍, വി.പി ദേവദാസ്, പ്രഭാകരന്‍ മാസ്റ്റര്‍ നേതൃത്വം നല്‍കി.
എല്‍.പി വിഭാഗത്തില്‍ എ.എം.എല്‍.പി സ്‌കൂള്‍ തിരുവാലി, ഇരിങ്ങാട്ടിരി എ.എം.എല്‍.പി സ്‌കൂള്‍, എസ്.വി.എ.യു.പി സ്‌കൂള്‍ കാപ്പില്‍ എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. യു.പി വിഭാഗത്തില്‍ എ.എച്ച്.എസ് പാറല്‍ മമ്പാട്ടുമൂല ഒന്നാം സ്ഥാനം നേടി. ജി.യു.പി സ്‌കൂള്‍ പഴയ കടക്കല്‍ രണ്ടാം സ്ഥാനവും എസ.്‌വി.എ.യു.പി സ്‌കൂള്‍ കാപ്പില്‍ മൂന്നാസ്ഥാനവും നേടി.