ഒക്ലഹോമ സിറ്റി: അമേരിക്കയിലെ ഒക്ലഹോമ സിറ്റി വിമാനത്താവളത്തിലുണ്ടായ വെടിവയ്്പ്പില്‍ ഒരാള്‍ കൊല്ലപ്പെട്ടു. വില്‍ റോജേഴ്‌സ് വേള്‍ഡ് വിമാനത്താവളത്തിലെ പാര്‍ക്കിങ് ഏരിയയിലാണ് വെടിവയ്പ്പുണ്ടായത്. സൗത്ത് വെസ്റ്റ് എയര്‍ലൈന്‍സ് ജീവനക്കാരനായ മിഷേല്‍ വിന്‍ചെസ്റ്റര്‍ (52) എന്നയാളാണ് കൊല്ലപ്പെട്ടത്. ഇയാളെ പരുക്കേറ്റ് ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിക്കുകയായിരുന്നു. പിന്നീടാണ് മരണപ്പെട്ടത്. സംഭവത്തെ തുടര്‍ന്ന് വിമാനത്താവളം താല്‍ക്കാലികമായി അടച്ചു.