കണ്ണൂര്‍: നോട്ടുകള്‍ മാറ്റി നല്‍കുന്നതിന് ജില്ലാ സഹകരണ ബാങ്കുകള്‍ക്ക് ലഭിച്ചിരുന്ന അനുമതി എടുത്തുകളഞ്ഞ ആര്‍.ബി.ഐ നടപടിക്കെതിരേ ജില്ലാ ബാങ്ക് പ്രധാന ശാഖയിലേക്ക് സഹകരണ ബാങ്ക് എംപ്ലോയിസ് യൂനിയന്‍ പ്രകടനം നടത്തി. യൂനിയന്‍ പ്രസിഡന്റ് എം.കെ ശ്യാംലാല്‍ അധ്യക്ഷനായി. ജനറല്‍ സെക്രട്ടറി മനോജ് കൂവേരി, കെ രമേശന്‍ സംസാരിച്ചു. കെ ദിലീപ് കുമാര്‍, കെ.ഒ സുരേന്ദ്രന്‍ നേതൃത്വം നല്‍കി.

ജില്ലാ സ്‌കൂള്‍ കായികമേള
നാളെ മുതല്‍ കണ്ണൂരില്‍

കണ്ണൂര്‍: റവന്യൂ ജില്ലാ സ്‌കൂള്‍ കായിക മേള നാളെ മുതല്‍ 19 വരെ കണ്ണൂര്‍ പൊലിസ് പരേഡ് ഗ്രൗണ്ടില്‍ നടക്കും. നാളെ രാവിലെ എട്ടിന് വിദ്യാഭ്യാസ ഉപഡയരക്ടര്‍ എം ബാബുരാജന്‍ പതാക ഉയര്‍ത്തും. 10ന് ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്യും. ഡെപ്യൂട്ടി മേയര്‍ പി.കെ രാഗേഷ് അധ്യക്ഷനാകും. 15 സബ് ജില്ലകളില്‍ നിന്നും രണ്ട് സ്‌പോര്‍ട്‌സ് സ്‌കൂളില്‍ നിന്നും വിദ്യാര്‍ഥികള്‍ പങ്കെടുക്കും.
സമാപന സമ്മേളനം 19ന് വൈകുന്നേരം നാലിന് മേയര്‍ ഇ.പി ലത ഉദ്ഘാടനം ചെയ്യും. ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ അധ്യക്ഷയാകും. വാര്‍ത്താസമ്മേളനത്തില്‍ ഇ.പി ലത, എം ബാബുരാജന്‍, കെ.ടി ശശി, പി.പി അബ്ദുല്‍ ലത്തീഫ്, പി.പി മുഹമ്മദലി, കെ.ജെ ജോണ്‍സണ്‍ പങ്കെടുത്തു.