തിരുവനന്തപുരം: നാഷണല്‍ മെഡിക്കല്‍ കമ്മിഷന്‍ രൂപീകരണത്തിനെതിരേ ഇന്ത്യന്‍ മെഡിക്കല്‍ അസോസിയേഷന്റെ(ഐ.എം.എ)ആഭിമുഖ്യത്തില്‍ ഇന്നു രാവിലെ 11ന് രാജ്ഭവനു മുമ്പില്‍ ധര്‍ണ നടത്തുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ഉപഭോക്തൃസംരക്ഷണ നിയമത്തിന്റെ അടിസ്ഥാനത്തില്‍ നല്‍കുന്ന നഷ്ടപരിഹാരത്തിനു പരിധി നിര്‍ണയിക്കുക, ലൈസന്‍സിങ് രജിസ്‌ട്രേഷന്‍ ഭേദഗതി വരുത്തുക, ക്ലിനിക്കുകളെ ക്ലിനിക്കല്‍ എസ്റ്റാബ്ലിഷ്‌മെന്റ് പരിധിയില്‍ നിന്നും ഒഴിവാക്കുക, ഡോക്ടര്‍മാര്‍ക്കെതിരെയുള്ള അതിക്രമങ്ങള്‍ തടയാന്‍ കേന്ദ്ര നിയമം നടപ്പാക്കുക തുടങ്ങിയവയാണു മറ്റു പ്രധാന ആവശ്യങ്ങളെന്ന് ഐ.എം.എ തിരുവനന്തപുരം ബ്രാഞ്ച് പ്രസിഡന്റ്് ഡോ.ജോണ്‍ പണിക്കര്‍ പറഞ്ഞു.
ഭാരവാഹികളായ ഡോ.ജി.എസ്. വിജയകൃഷ്ണന്‍, ഡോ. കെ.ദിനേശ്, ഡോ. രാജശേഖരന്‍നായര്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.