റിയാദ്: ഗള്‍ഫ് മേഖലയിലെ അറബ് രാജ്യങ്ങളുടെ കൂട്ടായ്മയായ ഗള്‍ഫ് കോര്‍പറേഷന്‍ കൗണ്‍സില്‍ രൂപീകരണ വാര്‍ഷികം റിയാദില്‍ ആഘോഷിച്ചു. റിയാദ് ജി.സി.സി ആസ്ഥാന മന്ദിരത്തിലാണ് ആഘോഷ ചടങ്ങുകള്‍ സംഘടിപ്പിച്ചത്. ആഘോഷ ചടങ്ങില്‍ ജി.സി.സി അംഗ രാജ്യങ്ങളിലെ നയതന്ത്രപ്രതിനിധികള്‍ പങ്കെടുത്തു.

ഐക്യത്തിന്റെയും പരസഹായത്തിന്റെയും ഉത്തമ ഉദാഹരണമാണ് ഗള്‍ഫ് കോര്‍പറേഷന്‍ കൗണ്‍സിലെന്ന് റിയാദ് ഗവര്‍ണര്‍ പ്രിന്‍സ് ഫൈസല്‍ ബിന്‍ ബന്തര്‍ ആഘോഷ പരിപാടിയില്‍ പറഞ്ഞു. ആവശ്യ ഘട്ടങ്ങളില്‍ അവസരത്തിനൊത്ത് ജി.സി.സി ഉണര്‍ന്ന് പ്രവര്‍ത്തിച്ചതായും അദ്ദേഹം ഓര്‍മിച്ചു.

1981ല്‍ അബൂദാബിയിലാണ് ഗള്‍ഫ് കോര്‍പറേഷന്‍ കൗണ്‍സിലിന്റെ രൂപീകരണം. സഊദി അറേബ്യ,ഖത്തര്‍,യു.എ.ഇ, ഒമാന്‍, ബഹ്‌റൈന്‍, കുവൈറ്റ്, എന്നീ പ്രമുഖ അറബ് രാജ്യങ്ങളാണ് ജി.സി.സിയില്‍ അംഗമായിട്ടുള്ളത്.