കൊച്ചി: ക്യാംപ്യന്‍ സ്‌കൂള്‍ ആതിഥ്യമരുളുന്ന ഇന്റര്‍സ്‌കൂള്‍ ബാസ്‌ക്കറ്റ്‌ബോള്‍ ടൂര്‍ണമെന്റിന് തുടക്കമായി. കൊച്ചി ഡെപ്യൂട്ടി കമ്മിഷണര്‍ എ.ആര്‍ പ്രേംകുമാര്‍ ഉദ്ഘാടനം ചെയ്തു.
സ്‌കൂള്‍ ഡയറക്ടര്‍ ഡോ.കെ വി തോമസ്, സീനിയര്‍ പ്രിന്‍സിപ്പല്‍ ഡോ.ലീലാമ്മ തോമസ്, അന്നമ്മ ടൈറ്റസ് എന്നിവര്‍ സംസാരിച്ചു. ക്യാംപ്യന്‍ സ്‌കൂളിന്റെ സില്‍വര്‍ ജൂബിലി ആഘോഷങ്ങളുടെ ഭാഗമായാണ് 2014 ല്‍ ടൂര്‍ണമെന്റ് ആരംഭിച്ചത്.
15 വയസില്‍ താഴെയുള്ള കുട്ടികള്‍ക്കായുള്ള ടൂര്‍ണമെന്റില്‍ കൊച്ചിയിലെ 10 ഓളം പ്രമുഖ സ്‌കൂളുകള്‍ പങ്കെടുക്കുന്നു. ഫൈനല്‍ മത്സരം നവംബര്‍ 17 നാണ്. ദേശീയ ബാസ്‌ക്കറ്റ്‌ബോള്‍ താരം യൂഡ്രിക് പെരേര സമ്മാനദാനം നിര്‍വഹിക്കും.