റോം: ലിബിയയില്‍ നിന്നുള്ള അഭയാര്‍ഥി ബോട്ട് മധ്യധരണ്യാഴിയില്‍ മുങ്ങി 100 പേര്‍ മരിച്ചതായി സംശയം. പ്രതികൂല കാലാവസ്ഥയും കടല്‍ക്ഷോഭവും മൂലം രക്ഷാപ്രവര്‍ത്തനം തടസ്സപ്പെട്ടു.
298 പേരെ തീരസംരക്ഷണ സേന രക്ഷപ്പെടുത്തി. ഒരാളുടെ മൃതദേഹം കണ്ടെടുത്തു. തകര്‍ന്ന ബോട്ടിലെ 23 പേരെ ഇതുവഴി വന്ന ഒരു എണ്ണ ടാങ്കര്‍ രക്ഷപ്പെടുത്തിയതായി ജര്‍മന്‍ എന്‍.ജി.ഒ ജുഗന്റ് റെട്ടറ്റ് ട്വീറ്റ് ചെയ്തു.
നാല് മൃതദേഹങ്ങളും എണ്ണടാങ്കര്‍ ജീവനക്കാര്‍ കണ്ടെത്തി. ബോട്ട് മുങ്ങി നാല് മണിക്കൂറിനു ശേഷമാണ് എണ്ണ ടാങ്കര്‍ ഇതുവഴി വന്നതെന്ന് രക്ഷപ്പെട്ടവരില്‍ ഒരാള്‍ അറിയിച്ചു.
രക്ഷപ്പെടുത്തിയവരെ ഇറ്റാലിയന്‍ കോസ്റ്റ് ഗാര്‍ഡിന്റെ കപ്പലില്‍ സിസിലിയന്‍ തുറമുഖത്ത് എത്തിച്ചിട്ടുണ്ട്.