അടിമാലി: എന്‍.ആര്‍ സിറ്റി എസ്.എന്‍.വി ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ ഇന്നുമുതല്‍ നടക്കുന്ന അടിമാലി ഉപജില്ലാസ്‌കൂള്‍ കായിക മേളയ്ക്ക് മുന്നോടിയായി ദീപശിഖ പ്രയാണം നടത്തി.
രാജാക്കാട് ടൗണില്‍ പഞ്ചായത്ത് പ്രസിഡന്റ് സതി കുഞ്ഞുമോന്‍ കായിക താരങ്ങള്‍ ദീപശിഖ കൈമാറി.
അടിമാലി ഉപജില്ലിയിലെ 27 സ്‌കൂളുകളില്‍ നിന്നായി ആയിരത്തി അഞ്ഞൂറോളം വരുന്നകായിക താരങ്ങള്‍ വേഗത്തിന്റെ പോരാട്ടത്തിന് തയ്യാറെടുക്കുമ്പോള്‍ ഇതിന് മുന്നോടിയായിട്ടുള്ള ദീപശിഖയാണ് രാജാക്കാട് നിന്നും ആരംഭിച്ച് സ്‌കൂള്‍ അങ്കണത്തില്‍ എത്തിയത്. സ്‌കൂള്‍ മാനേജര്‍ രാധാകൃഷ്ണന്‍ തമ്പി, അനൂപ് തണ്ടേല്‍, കെ.പി സുബീഷ്, സുധാകരന്‍ കാനാട്ട്, ഹരിദാസ്, അധ്യാപകരായ ഡി ബിന്ദുമോള്‍, പി.യു ജിജിമോന്‍ എന്നിവരും പങ്കെടുത്തു.