ലണ്ടന്‍: ഫോര്‍മുല വണ്‍ ടീം മക്‌ലാരന്റെ തലപ്പത്തു നിന്നു റോന്‍ ഡെന്നീസ് രാജിവച്ചു. ചെയര്‍മാനും എക്‌സിക്യൂട്ടിവ് ഓഫിസറുമായി 35 വര്‍ഷമായി തുടരുന്ന റോന്‍ കഴിഞ്ഞ ദിവസമാണ് രാജി പ്രഖ്യാപിച്ചത്. റോന്‍ സ്ഥാനമൊഴിയുന്നതോടെ ഒരു കാലഘട്ടത്തിനാണ് അന്ത്യമാകുന്നത്. സമീപ കാലത്തെ ടീമിന്റെ മോശം പ്രകടനമാണ് തീരുമാനത്തിനു പിന്നില്‍. ടീമില്‍ 25 ശതമാനം ഓഹരിയുള്ള റോന്‍ കഴിഞ്ഞ ദിവസം ചേര്‍ന്ന യോഗത്തിലാണ് സ്ഥാനമൊഴിയുന്നതായി വെളിപ്പെടുത്തിയത്. നിലവില്‍ ഡ്രൈവര്‍മാരുടെ പോരാട്ടത്തില്‍ മക്‌ലാരന്‍ താരങ്ങളായ ഫെര്‍ണാണ്ടോ അലോണ്‍സോ 14ാം സ്ഥാനത്തും ജെന്‍സന്‍ ബട്ടന്‍ 22ാം സ്ഥാനത്തും സ്റ്റോഫല്‍ വന്‍ഡൂര്‍നെ 47ാം സ്ഥാനത്തുമാണ്. 2008ല്‍ ലൂയീസ് ഹാമില്‍ട്ടന്‍ ചാംപ്യനായ ശേഷം മക്‌ലാരനു ഒരു ലോക ചാംപ്യനെ സൃഷ്ടിക്കാനും സാധിച്ചിരുന്നില്ല.