കൊല്ലം: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി വിദ്യാലയങ്ങള്‍ ഹൈടെക് ആക്കാനുള്ള സര്‍വ്വേ ആരംഭിച്ചതായി വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് പറഞ്ഞു.
കോയിക്കല്‍ ഗവ. എച്ച്.എസ്.എസില്‍ പുതിയ കെട്ടിടബ്ലോക്ക് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാഭ്യാസമേഖലയില്‍ ഇന്ത്യയിലെ ആദ്യ ഡിജിറ്റല്‍ സംസ്ഥാനമാക്കി കേരളത്തെമാറ്റും. മതനിരപേക്ഷ സംസ്‌കാരം തിരിച്ചുപിടിക്കാന്‍ പൊതുവിദ്യാഭ്യാസം സംരക്ഷിക്കപ്പെടണമെന്നും ഈ ലക്ഷ്യത്തോടെയാണ് പൊതുവിദ്യാഭ്യാസ സംരക്ഷണയജ്ഞം നടപ്പാക്കുന്നതെന്നും മന്ത്രി പറഞ്ഞു.
ഒന്നരലക്ഷം അധ്യാപകര്‍ക്ക് കമ്പ്യൂട്ടര്‍ ഉപയോഗിക്കുന്നതിലും, കമ്പ്യൂട്ടര്‍ ഉപയോഗിച്ചുള്ള അധ്യാപനത്തിലും പരിശീലനം നല്‍കുമെന്നും മന്ത്രി പറഞ്ഞു. എം. നൗഷാദ് എം.എല്‍.എ അധ്യക്ഷനായി.