കൊല്ലം: ജില്ലയില്‍ പത്താംതരം തുല്യത പത്താംബാച്ചില്‍ 13 കേന്ദ്രങ്ങളില്‍ 969 പഠിതാക്കള്‍ പരീക്ഷയെഴുതി.
ഇതില്‍ 467 പേര്‍ പുരുഷന്‍മാരും 502 പേര്‍ സ്ത്രീകളുമാണ്. കൂടുതല്‍ പേര്‍ പരീക്ഷയെഴുതിയത് കൊല്ലം ബോയ്‌സ് ഹൈസ്‌കൂളിലും (197) ഏറ്റവും കുറവ് കുളത്തൂപ്പുഴ കൂവക്കാട് ഹൈസ്‌കൂളിലു(19)മാണ്.
137 പേര്‍ പട്ടികജാതി വിഭാഗത്തിലുള്ളവരും എട്ടു പേര്‍ പട്ടികവര്‍ഗ വിഭാഗത്തിലുള്ളവരുമാണ്. തേവന്നൂര്‍ ഹൈസ്‌കൂളില്‍ പരീക്ഷയെഴുതിയ 66 വയസുള്ള ചന്ദ്രശേഖരനാണ് ഏറ്റവും പ്രായം കൂടിയ പഠിതാവ്.