കോഴിക്കോട്: ദേശസാല്‍കൃത ബാങ്കുകളില്‍ സംസ്ഥാന ജിവനക്കാര്‍ക്ക് പ്രത്യേകം കൗണ്ടര്‍ ആരംഭിക്കണമെന്ന് സ്റ്റേറ്റ് എംബ്ലോയിസ് ആന്‍ഡ് ടീച്ചേഴ്‌സ് ഓര്‍ഗനൈസേഷന്‍ (സെറ്റോ) ജില്ലാ നേതൃയോഗം ആവശ്യപ്പെട്ടു. യോഗം കെ.പി.എസ്.ടി.എ സംസ്ഥാന ട്രഷറര്‍ എ.കെ അബ്ദുസ്സമദ് ഉദ്ഘാടനം ചെയ്തു. എന്‍.പി ബാലകൃഷണന്‍ അധ്യക്ഷനായി. കെ.പി.എസ്.ടി.എ സംസ്ഥാന വൈ. പ്രസിഡന്റ് സുധാകരന്‍ പറമ്പാട്ട്, സെറ്റോ ജില്ലാ കണ്‍വീനര്‍ എന്‍. ശ്യാംകുമാര്‍, സെബാസ്റ്റ്യന്‍ ജോണ്‍, എം. ഷിബു, വി.കെ രമേശന്‍ സംസാരിച്ചു. ജില്ലാ ചെയര്‍മാനായി എന്‍.പി ബാലകൃഷ്ണനെയും കണ്‍വീനറായി എന്‍. ശ്യാംകുമാറിനെയും തിരഞ്ഞെടുത്തു.