വടകര: മടപ്പള്ളി ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നടക്കുന്ന റവന്യു ജില്ലാ ശാസ്‌ത്രോത്സവത്തില്‍ ഗണിതശാസ്ത്ര ഐ.ടി മത്സരങ്ങള്‍ പൂര്‍ത്തിയായപ്പോള്‍ ഗണിതശാസ്ത്രം എല്‍.പി വിഭാഗത്തില്‍ 43 പോയിന്റോടെ വടകര ഉപജില്ല ഒന്നാംസ്ഥാനവും 36 പോയിന്റ് നേടി ബാലുശ്ശേരി, നാദാപുരം ഉപജില്ലകള്‍ രണ്ടാംസ്ഥാനവും നേടി. യു.പി വിഭാഗത്തില്‍ നാദാപുരം ഉപജില്ല 49 പോയിന്റ് നേടി ഒന്നാംസ്ഥാനവും വടകര രണ്ടാം സ്ഥാനവും കരസ്ഥമാക്കി. ഗണിതശാസ്ത്രം ഹൈസ്‌കൂള്‍ വിഭാഗത്തില്‍ 118 പോയിന്റ് നേടി തോടന്നൂര്‍ ഉപജില്ല ഒന്നാം സ്ഥാനവും 113 പോയിന്റോടെ കൊയിലാണ്ടി രണ്ടാംസ്ഥാനവും കരസ്ഥമാക്കി. ഹയര്‍ സെക്കന്‍ഡറി വിഭാഗം ഗണിതശാസ്ത്രമേളയില്‍ 130 പോയിന്റ് നേടിയ കോഴിക്കോട് സിറ്റി ഉപജില്ലയാണ് ഒന്നാംസ്ഥാനം നേടിയത്. 118 പോയിന്റോടെ വടകര രണ്ടാംസ്ഥാനത്തെത്തി. ഗണിതശാസ്ത്രമേളയില്‍ യു.പി വിഭാഗത്തില്‍ മികച്ച സ്‌കൂളായി വടകര ഉപജില്ലയിലെ തൊണ്ടികുളങ്ങര യു.പി തിരഞ്ഞെടുക്കപ്പെട്ടു. ഹൈസ്‌കൂള്‍ വിഭാഗത്തില്‍ കൊയിലാണ്ടി ഉപജില്ലയിലെ തിരുവങ്ങൂര്‍ എച്ച്.എസും ഹയര്‍ സെക്കന്‍ഡറി വിഭാഗത്തില്‍ പ്രൊവിഡന്‍സ് ഗേള്‍സ് കോഴിക്കോടും മികച്ച സ്‌കൂളുകളായി തെരഞ്ഞെടുക്കപ്പെട്ടു.
ഐ.ടി മേളയില്‍ യു.പി വിഭാഗത്തില്‍ 20 പോയിന്റ് നേടി മുക്കം ഉപജില്ല ഒന്നാംസ്ഥാനവും 20 പോയിന്റ് നേടിയ തോടന്നൂര്‍ ഉപജില്ല രണ്ടാംസ്ഥാനവും നേടി. 19 പോയിന്റ് നേടിയ നാദാപുരമാണ് മൂന്നാം സ്ഥാനത്ത്. ഹൈസ്‌കൂള്‍ വിഭാഗം ഐ.ടി മേളയില്‍ 40 പോയിന്റ് നേടിയ കൊയിലാണ്ടി ഉപജില്ല ഒന്നാംസ്ഥാനം നേടി. 32 പോയിന്റുകളോടെ കോഴിക്കോട് സിറ്റി ഉപജില്ല രണ്ടാംസ്ഥാനം നേടി. 28 പോയിന്റ് നേടിയ ചേവായൂര്‍ ഉപജില്ലയാണ് മൂന്നാം സ്ഥാനത്ത്. ഹയര്‍ സെക്കന്‍ഡറി വിഭാഗം ഐ.ടി മേളയില്‍ 38 പോയിന്റുകളോടെ ബാലുശ്ശേരി ഉപജില്ല ഒന്നാം സ്ഥാനവും 36 പോയിന്റ് നേടിയ കോഴിക്കോട് റൂറല്‍ രണ്ടാം സ്ഥാനവും നേടി. 28 പോയിന്റുകളോടെ കുന്നുമ്മല്‍ ഉപജില്ല മൂന്നാംസ്ഥാനത്തെത്തി. ഐ.ടി മേളയില്‍ യു.പി വിഭാഗത്തില്‍ സെന്റ് ജോസഫ് യു.പി പുല്ലൂരാംപാറ 20 പോയിന്റകളോടെ മികച്ച സ്‌കൂളായി തിരഞ്ഞെടുക്കപ്പെട്ടു. ഹൈസ്‌കൂള്‍ വിഭാഗത്തില്‍ സെന്റ് ആന്റണീസ് എച്ച്.എസ് വടകര 21 പോയിന്റുകളോടെയും ഹയര്‍ സെക്കന്‍ഡറി വിഭാഗത്തില്‍ 30 പോയിന്റ് നേടി കോക്കല്ലൂര്‍ വി.എച്ച്.എസ്.എസും മികച്ച സ്‌കൂളായി.