കൊളംബിയ: സൗത്ത് കരോലിന ഗവര്‍ണര്‍ നിക്കി ഹാലെ ഇന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനെ കാണും. ഹാലെയെ സ്റ്റേറ്റ് സെക്രട്ടറിയാക്കാന്‍ സാധ്യതയുണ്ടെന്ന അഭ്യൂഹങ്ങള്‍ക്കിടെയാണ് അവര്‍ ട്രംപിനെ കാണുന്നത്. കഴിഞ്ഞദിവസം ട്രംപിന്റെ അനുയായികളിലൊരാളായ ഹെന്റി മക്മാസ്റ്ററാണ് ഹാലെയെ സ്റ്റേറ്റ് സെക്രട്ടറി സ്ഥാനത്തേക്ക് പരിഗണിക്കുന്നുണ്ടെന്നു വ്യക്തമാക്കിയത്. ഹെന്റിയെയും തന്ത്രപ്രധാന സ്ഥാനത്തേക്ക് പരിഗണിക്കുന്നുണ്ട്. പ്രധാന പദവിയിലേക്ക് പുതുമുഖങ്ങളെ നിയമിക്കാനാണ് ട്രംപിന്റെ ആഗ്രഹമെന്ന് ഹെന്റി പറഞ്ഞു.