എടത്വ: തലവടി ഉപജില്ല കലോത്സവം ഡിസംബര്‍ ആറ്, ഏഴ്, എട്ട്, ഒന്‍പത് തീയതികളിലായി എടത്വ സെന്റ് അലോഷ്യസ് ഹയര്‍സെക്കന്ററി സ്‌കൂളില്‍ നടക്കും.
    സ്വാഗതസംഘം രൂപീകരണയോഗം എടത്വ പഞ്ചായത്ത് പ്രസിഡന്റ് ടെസി ജോസ് ഉദ്ഘാടനം ചെയ്തു. പ്രിന്‍സിപ്പല്‍ ഡോ. ആന്റണി മാത്യു അധ്യക്ഷത വഹിച്ചു. ഗ്രാമപഞ്ചായത്ത് അംഗം മീരാ തോമസ്, ഹെഡ്മാസ്റ്റര്‍മാരായ ബേബി ജോസഫ്, ട്രീസാ സെബാസ്റ്റ്യന്‍, ബീന തോമസ് കളങ്ങര, ജി. രാധാകൃഷ്ണന്‍ പ്രസംഗിച്ചു. ഉപജില്ലയിലെ 43 വിദ്യാലയങ്ങളില്‍ നിന്നുമായി രണ്ടായിരത്തോളം വിദ്യാര്‍ത്ഥികള്‍ ആറു വേദികളിലായി നടക്കുന്ന കലോത്സവത്തില്‍ പങ്കെടുക്കും. സ്വാഗതസംഘത്തിന്റെ ചെയര്‍പേഴ്‌സണായി ടെസി ജോസിനെയും ജനറല്‍ കണ്‍വീനറായി ഡോ. ആന്റണി മാത്യുവിനേയും ട്രഷററായി ശശികുമാര്‍ ജി. വാര്യരേയും ജോയിന്റ് കണ്‍വീനറായി ബേബി ജോസഫിനെയും തെരഞ്ഞെടുത്തു.