പെരിന്തല്‍മണ്ണ: 14 വയസിനു താഴെയുള്ളവരുടെ ഉത്തരമേഖലാ അന്തര്‍ ജില്ലാ ദ്വിദിന ക്രിക്കറ്റ് മത്സരത്തില്‍ മലപ്പുറം-  കോഴിക്കോട് പോരാട്ടം സമനിലയില്‍ പിരിഞ്ഞു. മലപ്പുറം ഇന്നിങ്‌സ് ലീഡോടെ മൂന്നു പോയിന്റും, കോഴിക്കോട് ഒരു പോയിന്റും നേടി.
പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ നടന്ന മത്സരത്തിന്റെ രണ്ടാം ദിനമായ ഇന്നലെ 21 ഓവറില്‍ ഒരു വിക്കറ്റ് നഷ്ടത്തില്‍ 46 റണ്‍സില്‍ നിന്നു ഇന്നിങ്‌സ് പുനരാരംഭിച്ച കോഴിക്കോടിനു മലപ്പുറത്തിന്റെ ആദ്യ ഇന്നിങ്‌സ് സ്‌കോറായ 152 റണ്‍സ്  ലക്ഷ്യം മറികടക്കാനായില്ല. മൂന്നു റണ്‍സ് അകലെ നില്‍ക്കെ 69 ഓവറില്‍ 149 റണ്‍സിന് എല്ലാവരും പുറത്തായി കോഴിക്കോട് ലീഡ് വഴങ്ങി.
രണ്ടണ്ടാം ഇന്നിങ്‌സ് ആരംഭിച്ച മലപ്പുറം ബാറ്റിങ് തകര്‍ച്ച നേരിട്ടു. 36.5 ഓവറില്‍ 50 റണ്‍സിനു എല്ലാവരും പുറത്തായി. രണ്ടണ്ടാം ദിനത്തില്‍ കോഴിക്കോടിനു വിജയിക്കാന്‍ വേണ്ടണ്ടിയിരുന്നത് ഏഴോവറില്‍ 54 റണ്‍സായിരുന്നു എന്നാല്‍ അവരുടെ ചെറുത്തു നില്‍പ്പ് അഞ്ചു വിക്കറ്റ് നഷ്ട്ടത്തില്‍ 31 റണ്‍സില്‍ അവസാനിച്ചു.