വിശാഖപട്ടണം: നായകന്‍ കോഹ്‌ലിക്കൊപ്പം ചേര്‍ന്നു ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യയെ രക്ഷിച്ച ചേതേശ്വര്‍ പൂജാര ടെസ്റ്റില്‍ മറ്റൊരു നാഴികക്കല്ല് പിന്നിട്ടു. 119 റണ്‍സെടുത്തു പത്താം ടെസ്റ്റ് ശതകം കുറിച്ച പൂജാര ടെസ്റ്റില്‍ 3000 റണ്‍സ് പൂര്‍ത്തിയാക്കി.
40 ടെസ്റ്റുകളില്‍ 67 ഇന്നിങ്‌സുകള്‍ കളിച്ചാണ് താരം 3000 ക്ലബില്‍ അംഗമായത്. ഏറ്റവും കുറഞ്ഞ കാലം കൊണ്ട് ഈ നേട്ടം സ്വന്തമാക്കുന്ന ഏഴാം ഇന്ത്യന്‍ താരമാണ് പൂജാര. സെവാഗാണ് ഈ നേട്ടത്തില്‍ ഒന്നാം സ്ഥാനത്ത്.