മൂവാറ്റുപുഴ: കടാതി ഗവ.എല്‍.പി സ്‌കൂളില്‍ നടന്ന മൂവാറ്റുപുഴ വിദ്യാഭ്യാസ ഉപജില്ലയിലെ അധ്യാപകര്‍ക്കും രക്ഷിതാക്കള്‍ക്കുമായി സംഘടിപ്പിച്ച അക്ഷരമധുരം പദ്ധതിയുടെയും കൈത്താങ്ങ് ശില്‍പ്പശാലയുടെയും ഉദ്ഘാടനം പഞ്ചായത്ത് പ്രസിഡന്റ് ലീല ബാബു നിര്‍വ്വഹിച്ചു. പി.ടി.എ പ്രസിഡന്റ് പി.എന്‍ മനോജ് അധ്യക്ഷത വഹിച്ചു. കയ്യെഴുത്ത് മാസികയുടെ പ്രകാശനം വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഷീല മത്തായിയും വര്‍ക്ക് ബുക്കുകളുടെ പ്രകാശനം മൂവാറ്റുപുഴ ബി.പി.ഒ ടി.കെ വിജയകുമാറും സമ്മാന വതരണം പഞ്ചായത്ത് അംഗം ദീപ്തി മനോജും നിര്‍വഹിച്ചു.
ടീച്ചേഴ്‌സ് ക്ലബ്ബ് സെക്രട്ടറി ടി.ടി പൗലോസ് മാഷിനെ ഹെഡ്മിസ്ട്രസ് എന്‍.യു ഏലിയാമ്മ ആദരിച്ചു. കടാതി ഗവണ്‍മെന്റ് യു.പി സ്‌കൂള്‍ ഹെഡ്മിസ്ട്രസ് ലത എബ്രഹാം, മുന്‍ എച്ച്.എം ജോസഫ്, പി.ടി.എ വൈസ് പ്രസിഡന്റ് സജി, പ്രകാശ്, എന്നിവര്‍ പ്രസംഗിച്ചു. കെ.എം നൗഫല്‍ സ്വാഗതവും എ.ബി ദീപ നന്ദിയും പറഞ്ഞു. കൈത്താങ്ങ് ശില്‍പശാലയ്ക്ക് ടീച്ചേഴ്‌സ് ക്ലബ്ബ് സെക്രട്ടറി ടി.ടി പൗലോസ് മാഷ് നേതൃത്വം നല്‍കി.