അരീക്കോട്: കിഴുപറമ്പ് ലിവാഉല്‍ ഹുദാ ഇസ്‌ലാമിക് കോംപ്ലക്‌സ് വാര്‍ഷിക പ്രഭാഷണ സദസിന്റെ രണ്ടാം ദിനം കോഴിക്കോട് ഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. സയ്യിദ് ബി.എസ്.കെ തങ്ങള്‍ അധ്യക്ഷനായി. കുഞ്ഞി സീതി കോയ തങ്ങള്‍ പ്രാര്‍ഥനക്ക് നേതൃത്വം നല്‍കി.
കണ്ണിയത്ത് നസറുള്ള മൗലവി, ഉസ്മാന്‍ പത്തനാപുരം, വൈ.പി അബൂബക്കര്‍ മാസ്റ്റര്‍, നാസിറുദ്ദീന്‍ ദാരിമി, വലിയുദ്ദീന്‍ ഫൈസി പൂവാട്ടുപറമ്പ്, കെ.ടി അബൂബക്കര്‍ മുസ്‌ലിയാര്‍, അബ്ദുല്‍ ഗഫൂര്‍ ഫൈസി, മന്‍സൂര്‍ വാഫി, സിറാജുദ്ദീന്‍ ഫൈസി, കെ.വി അബ്ദുറഹ്മാന്‍, യൂനുസ് ഫൈസി സംസാരിച്ചു. അന്‍വര്‍ മുഹ്‌യുദ്ദീന്‍ ഹുദവി ആലുവ മുഖ്യപ്രഭാഷണം നടത്തി. ഇന്ന് സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും സമസ്ത ജനറല്‍ സെക്രട്ടറി പ്രാഫ. കെ. ആലിക്കുട്ടി മുസ്‌ലിയാര്‍ക്ക് ഉപഹാരം നല്‍കും. മാനു തങ്ങള്‍ വെള്ളൂര്‍ പ്രാര്‍ഥനക്ക് നേതൃത്വം നല്‍കും. കീഴുപറമ്പ് പഞ്ചായത്ത് പ്രസിഡന്റ് പി.കെ കമ്മദ് കുട്ടി ഹാജി അധ്യക്ഷനാകും. നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നടത്തും. പാറക്കല്‍ അബ്ദുല്ല എം.എല്‍.എ, മൊയ്തു ഹാജി പാലത്തായി മുഖ്യാതിഥികളാവും. മുനീര്‍ ഹുദവി വിളയില്‍, കാളാവ് സൈതലവി മുസ്‌ലിയാര്‍, ബാലത്തില്‍ ബാപ്പു ഹാജി, എം.സി മുഹമ്മദാജി തുടങ്ങിയവര്‍ സംബന്ധിക്കും.