മലപ്പുറം: പൈതൃക ബോധം അടയാളപ്പെടുത്തുക എന്ന പ്രമേയത്തില്‍ എസ്.കെ.എസ്.എസ്.എഫ് ത്വലബ വിങ് സംഘടിപ്പിക്കുന്ന ജില്ലാതല പൈതൃക സെമിനാര്‍ ഇന്ന് താനൂരില്‍ നടക്കും. വൈകീട്ട് മൂന്നിന് ഇസ്‌ലാഹുല്‍ ഉലൂം അറബിക് കോളജില്‍ നടക്കുന്ന പരിപാടി സമസ്ത കേന്ദ്ര മുശാവറ അംഗം നിറമരുതൂര്‍ മരക്കാര്‍ മുസ്‌ലിയാര്‍ ഉദ്ഘാടനം ചെയ്യും. സി ഹംസ മുഖ്യപ്രഭാഷണം നടത്തും. സി.എം അബ്ദുസ്സമദ് ഫൈസി, റശീദ് ഫൈസി ചുങ്കത്തറ, ശഹീര്‍ അന്‍വരി പുറങ്ങ്, ശാക്കിര്‍ ഫൈസി കാളാട് സംബന്ധിക്കും.