കൊണ്ടോട്ടി: 1976ല്‍ പ്രവര്‍ത്തനം ആരംഭിച്ച കൊട്ടൂക്കര സ്‌കൂള്‍ 40ാം വാര്‍ഷികം ആഘോഷിക്കുന്നു. നെടിയിരുപ്പ് മുസ്‌ലിം എജ്യുക്കേഷണല്‍ അസോസിയേഷന് കീഴില്‍ ഹൈസ്‌കൂളായിട്ടാണ് പ്രവര്‍ത്തനം ആരംഭിച്ചത്. കൊണ്ടോട്ടിയില്‍ ഏറ്റവും അധികം വിദ്യാര്‍ഥികള്‍ പഠിക്കുന്ന സഥാപനം കൂടിയാണ് കൊട്ടുക്കര പാണക്കാട് പൂക്കോയ തങ്ങള്‍ മൊമ്മോറിയല്‍ ഹയര്‍ സെക്കന്‍ഡറി സ്‌കൂള്‍. വാര്‍ഷികാഘോഷത്തിന്റെ ഭാഗമായി പൂര്‍വ വിദ്യാര്‍ഥി, അധ്യാപക സംഗമം, വിദ്യാഭ്യാസ സാംസ്‌കാരിക സമ്മേളനം, മീഡിയാ സെമിനാര്‍, മെഗാമെഡിക്കല്‍ ക്യാംപ് എന്നിവ സംഘടിപ്പിക്കും.
പരിപാടിയുടെ ഭാഗമായി പാണക്കാട് ഹൈദരലി ശിഹാബ് തങ്ങള്‍ മുഖ്യരക്ഷാധികാരിയും എം അബൂബക്കര്‍ ഹാജി ചെയര്‍മാനും കെ.ടി അബ്ദുറഹ്മാന്‍ മാസ്റ്റര്‍ ജനറല്‍ കണ്‍വീനറും കെ.കെ മൂസക്കുട്ടി ട്രഷററുമായി 251 സംഗ സ്വാഗതസംഘം രൂപവത്കരിച്ചു.
റൂബി ജൂബിലി ലോഗോ പ്രകാശനം പി ഉബൈദുല്ല എം.എല്‍.എ നിര്‍വഹിച്ചു. എം അബൂബക്കര്‍ ഹാജി അധ്യക്ഷനായി. കെ.കെ മൂസക്കുട്ടി, കെ.ടി അബ്ദുറഹ്മാന്‍, അഡ്വ. കെ.കെ ഷാഹുല്‍ ഹമീദ്, സി.എം അബ്ദുല്‍ ബഷീര്‍, പി.എ അബ്ദുറഹ്മാന്‍, കെ ജീവാനന്ദന്‍, എം അബ്ദുല്‍ മജീദ്, കെ മുഹമ്മദ് കുട്ടി, വി.പി സിദ്ദീഖ് സംസാരിച്ചു.