കുറ്റ്യാടി: ടൗണിലെ നടപ്പാതകളില്‍ കാല്‍നടയാത്രക്കാര്‍ക്ക് ദുരിതയാത്ര. പൊട്ടിപ്പൊളിഞ്ഞതും സാധനങ്ങള്‍ കയറ്റിവെക്കുന്നതുമാണ് കാല്‍നടയാത്രക്കാര്‍ക്ക് ദുരിതമാവുന്നത്.
ജനത്തിരക്കേറിയ പുതിയസ്റ്റാന്‍ഡ് മുതല്‍ ടൗണ്‍ കവല വരെയുള്ള ഭാഗത്തെ വീതികുറഞ്ഞ നടപ്പാതയില്‍ സാധനങ്ങള്‍ കയറ്റിവെക്കുന്നതിനാല്‍ സ്ത്രീകളും കുട്ടികളും ബുദ്ധിമുട്ടിയാണ് വഴിനടന്നുപോകുന്നത്. നടപ്പാതയോടുചേര്‍ന്നു ഓട്ടോസ്റ്റാന്‍ഡ് അനുവദിക്കുക കൂടിചെയ്തതോടെ റോഡിലിറങ്ങിനടക്കാനുംകഴിയുന്നില്ല.
ഇതിനുപുറമെ ഇരുചക്രവാഹനങ്ങളും കാറുകളും നടപ്പാതയില്‍ കയറ്റിനിര്‍ത്തുന്നതും പതിവുകാഴ്ചയാണ്. വയനാട്, മരുതോങ്കര റോഡുകളിലെ നടപ്പാത പൊട്ടിപ്പൊളിഞ്ഞതും അപകടഭീഷണി യുയര്‍ത്തുന്നുണ്ട്.