താമരശ്ശേരി: മതേതര സംസ്‌കാരവും മാതൃഭാഷയും സംരക്ഷിക്കാന്‍ സംസ്ഥാന ലൈബ്രറി കൗണ്‍സില്‍ പ്രസിഡന്റ് ഡോ. കെ.വി കുഞ്ഞികൃഷ്ണന്‍ നയിക്കുന്ന ഉണര്‍വ്വ് സാംസ്‌കാരിക യാത്രക്കു സ്വീകരണം നല്‍കി.
ജില്ലാ ലൈബ്രറി കൗണ്‍സില്‍ പ്രസിഡന്റ് എന്‍. ശങ്കരന്‍ മാസ്റ്റര്‍, ജില്ലാ സെക്രട്ടറി കെ. ചന്ദ്രന്‍ മാസ്റ്റര്‍, സംസ്ഥാന ലൈബ്രറി കൗണ്‍സില്‍ അംഗം ജോസ് മാത്യു, എ. ഗംഗാധരന്‍ മാസ്റ്റര്‍, താമരശ്ശേരി താലൂക്ക് ലൈബ്രറി കൗണ്‍സില്‍ പ്രസിഡന്റ് പി.സി വേലായുധന്‍ മാസ്റ്റര്‍, സെക്രട്ടറി കെ.കെ പ്രദീപന്‍, ജില്ലാ കമ്മിറ്റി അംഗം സി.സി ആന്‍ഡ്രൂസ്, വിവിധ ഗ്രന്ഥശാലാ പ്രവര്‍ത്തകര്‍ എന്നിവര്‍ ചേര്‍ന്നു യാത്രയെ സ്വീകരിച്ചു.കാരാട്ട് റസാഖ് എം.എല്‍.എ ഉദ്ഘാടനം ചെയ്തു.
താമരശ്ശേരി പഞ്ചായത്ത് പ്രസിഡന്റ് കെ. സരസ്വതി അധ്യക്ഷയായി. വിവിധ പഞ്ചായത്ത് നേതൃസമിതി കണ്‍വീനര്‍മാര്‍, ബാലവേദി, വനിതാവേദി, താലൂക്ക് റഫറന്‍സ് ലൈബ്രറി, വിവിധ ലൈബ്രറി പ്രതിനിധികള്‍ ജാഥാ ലീഡര്‍ ഡോ. കെ.വി കുഞ്ഞികൃഷ്ണന് ഹാരാര്‍പ്പണം നടത്തി.