ഇരിട്ടി: ഷെഡില്‍ നിര്‍ത്തിയിട്ടിരുന്ന സ്‌കൂള്‍ ബസ്സിനു മുകളില്‍ വൈദ്യുതിലൈന്‍ കത്തി വീണു. ഇരിട്ടി കല്ലുമുട്ടിയില്‍ പ്രവര്‍ത്തിക്കുന്ന സി.എം.ഐ ക്രൈസ്റ്റ് സ്‌കൂളിലാണ് അപകടംസംഭവിച്ചത്. ലൈന്‍കത്തി ബസ്സിനു മുകളില്‍ വീണ് ആളിപ്പടരുന്നതു കണ്ടണ്ട ഡ്രൈവര്‍ ഉടന്‍ ബസ്സിലേക്ക് ഓടിക്കയറി അപകട സ്ഥലത്തു നിന്നു ബസ്സ് മാറ്റിയിട്ടതിനാല്‍ കൂടുതല്‍ നാശനഷ്ടം ഒഴിവായി. ഇന്നലെ രാവിലെ ഒമ്പതിനായിരുന്നു സംഭവം. സ്‌കൂളിലേക്കു വൈദ്യുതി നല്‍കുന്നതിനായി പി.വി.സി പൈപ്പിനകത്തു കൂടെ വലിച്ച ത്രീ ഫേസ് സര്‍വിസ് വയറുകളാണ് കത്തി ബസ്സിനു മുകളിലേക്ക് വീണത്. വിവരമറിയിച്ചതിനെ തുടര്‍ന്ന് ഇരിട്ടിയില്‍ നിന്നു രണ്ടണ്ടു യൂണിറ്റ് അഗ്‌നിശമന സേനയും പൊലിസും സ്ഥലത്തെത്തി. ഷോര്‍ട്ട് സര്‍ക്യൂട്ടാണ് അപകടത്തിനു കാരണമായത്.