തളിപ്പറമ്പ്: ഐ.ആര്‍.പി.സിയുടെ നേതൃത്വത്തില്‍ ബക്കളം നെല്ലിയോട്ട് ഭഗവതി ക്ഷേത്രത്തിനു സമീപം ശബരിമല തീര്‍ഥാടകര്‍ക്കായുള്ള ആരോഗ്യ പരിപാല കേന്ദ്രം ഐ.ആര്‍.പി.സി ഉപദേശക സമിതി ചെയര്‍മാന്‍ പി ജയരാജന്‍ ഉദ്ഘാടനം ചെയ്തു. അലോപ്പതി, ആയുര്‍വേദം, ഹോമിയോ എന്നീ വിഭാഗങ്ങളില്‍ ചികിത്സാ സൗകര്യമുണ്ട്. നൂറിലധികം ഡോക്ടര്‍മാര്‍ വിവിധ ദിവസങ്ങളിലായി കേന്ദ്രത്തില്‍ പരിശോധന നടത്തും. ദിവസേന പത്ത് ഐ.ആര്‍.പി.സി വളണ്ടിയര്‍മാര്‍ കേന്ദ്രത്തിലുണ്ടാകും. ചികിത്സയും മരുന്നും സൗജന്യമാണ്. രണ്ട് ആംബുലന്‍സുകളുടെ സൗജന്യ സേവനവും ലഭ്യമാണ്. ജയിംസ് മാത്യു എം.എല്‍.എ അധ്യക്ഷനായി.
എം പ്രകാശന്‍, കെ.വി സുമേഷ്, പി.കെ ശ്യമള, കെ കുഞ്ഞപ്പ, കെ സന്തോഷ്, പി മുകുന്ദന്‍, കെ ദാമോധരന്‍, കെ മുരളീധരന്‍, അശോക് കുമാര്‍, പി.വി.സതീഷ് കുമാര്‍ സംസാരിച്ചു.