ചാവക്കാട്: പൊതു വിപണയില്‍ രാമച്ച വേരിന്റെ വിലയിടിവില്‍ മാറ്റമില്ലാത്തത് രാമച്ച കര്‍ഷകരെ ആശങ്കയിലാക്കുന്നു. പൊതു വിപണിയില്‍ രാമച്ചത്തിന്റെ വില പകുതിയിലേറെ ഇടിഞ്ഞിരിക്കുകയാണ്. ഒരു കിലോ രാമച്ചത്തിന് 140 രൂപയുണ്ടായിരുന്ന സ്ഥാനത്ത് ഇപ്പോള്‍ 55 രൂപക്കാണ് രാമച്ചം കയറ്റുന്നത്. നവംബര്‍,ഡിസംബര്‍ മാസങ്ങളാണ് രാമച്ചത്തിന്റെ വിളവെടുപ്പ് കാലം. സംസ്ഥാനത്തെ രാമച്ചം പൊതു വിപണിയിലത്തെുതിനു മുമ്പേ കുറഞ്ഞ നിരക്കില്‍ കര്‍ണാടക, തമിഴ്‌നാട് സംസ്ഥാനങ്ങളില്‍ നിന്നത്തെിയതാണ് കേരളത്തില്‍ രാമച്ചത്തിന് വിലയിടിയാന്‍ കാരണം. 400 ഏക്കറിലായി 1600 ടണ്‍ രാമച്ചമാണ് വര്‍ഷം തോറും മലപ്പുറം തൃശൂര്‍ ജില്ലയകളുടെ തീരമേഖലയില്‍ നിന്ന് കയറ്റിപോകുന്നത്. രാമച്ചത്തിന്റെ വില ഇനിയും താഴേക്ക് പോകുമെന്ന ഭീതിയിലാണ് കടം വാങ്ങിയും സ്വര്‍ണം പണയം വെച്ചും കൃഷിയിറക്കിയ കര്‍ഷകര്‍. പാടത്തിറങ്ങി വിളവെടുപ്പ് നടത്തിയാല്‍ ശേഖരിച്ചു വെക്കാന്‍ ഇടമില്ലാത്തവരാണ് പല കര്‍ഷകരും. ഇനി ശേഖരിച്ചു വെച്ചാല്‍ തന്നെ വിളവെടുപ്പ് സമയത്തുണ്ടായിരുന്ന തൂക്കം പിന്നീട് കുറയുകയും ചെയ്യും. അന്താരാഷ്ട്ര മാര്‍ക്കറ്റില്‍ നമ്പര്‍ വണ്‍ ക്വാളിറ്റിയായി അറിയപ്പെടുന്ന കേരള രാമച്ചം വേണ്ട സമയത്ത് വിപണിയിലത്തെിക്കാന്‍ പ്രയാസമാകുന്നത് സംസ്ഥാനത്തെ കാലവര്‍ഷത്തിന്റെ മാറ്റമാണ്. ആവശ്യക്കാര്‍ക്ക് തക്ക സമയത്ത് മോശമായ രാമച്ചമായാലും തമിഴ് നാട്ടില്‍ നിന്ന് ലഭ്യമാകുതാണ് രാമച്ച കര്‍ഷകര്‍ നേരിടു വലിയ പ്രതിസന്ധി. നാട്ടില്‍ കൃഷി ചെയ്തിരുന്നവരാണ് ഇപ്പോള്‍ തമിഴ് നാട്ടിലും കൃഷി ചൈയ്യുന്നത്. അവിടെ കൂലി കുറവും മഴ ലഭിക്കുന്നതും കൃഷി ലാഭകരമാക്കാന്‍ സഹായകരമാണ്. രണ്ട് പ്രവാസ്യം കൃഷിയിറക്കാനും കഴിയുന്നുണ്ട്. 20, 25 രൂപ നിരകത്കില്‍ അവിടെന്ന് രാമച്ചം കയറ്റി ഇവിടെ എത്തിക്കുന്ന വ്യാപാരികളുമുണ്ട്. നാട്ടില്‍ രാമച്ച പണിക്ക് നാടന്‍ പണിക്കാരെ കിട്ടുന്നില്ല. പകരം കൃഷിക്കിറങ്ങുന്നത് അന്യ സംസ്ഥാന തൊഴിലാളികലാണ്. ഇവരെ തന്നെ സമയത്തിനു ലഭിക്കുന്നുമില്ല. ഇതോടെ കര്‍ഷകര്‍ ജെ.സി.ബി ഉപയോഗിച്ചാണ് രാമച്ച വേരുകള്‍ പിഴുതെടുക്കുന്നത്. മണ്ണിനിടയിലെ മുഴുവന്‍ വേരും ലഭിക്കുന്നിലെങ്കിലും സമയ ലാഭം കിട്ടുന്നതാണ് ഈ യന്ത്രം കൊണ്ടുള്ള മെച്ചമെന്നാണ് കര്‍ഷകരുടെ വിലയിരുത്തല്‍. കൂലി വര്‍ദ്ധനവും വിലി യിടിവും കാരണം പല കര്‍ഷകരും ഇതിനകം രംഗം വിട്ടു കഴിഞ്ഞിട്ടുണ്ട്. പാല പാടങ്ങളിലും വലിയ എടുപ്പുകളും ഉയര്‍ന്നു കഴിഞ്ഞു. കൈപ്പമംഗലം ഭാഗത്ത് കൃഷിയിറക്കിയ പാലപ്പെട്ടിക്കാര്‍ ആ പണി നിര്‍ത്തി. അണ്ടത്തോടും മന്ദലാംകുന്ന്, അകലാട് മേഖലയലും ഇത് തന്നെയാണാവസ്ഥ. സംസ്ഥാന സര്‍ക്കാറാണെങ്കില്‍ ഇത്തരം ഒരു കൃഷിക്കും കര്‍ഷകര്‍ക്കും വേണ്ടത്ര സഹായം നല്‍കുന്നുമില്ല. മറ്റു കര്‍ഷകര്‍ക്ക് ലഭിക്കു ആനുകൂല്യം രാമച്ചകര്‍ഷകര്‍ക്ക് ലഭിക്കാറില്ലെന്ന ആക്ഷേപമാണ് കര്‍ഷകര്‍ക്ക്.