നേമം: ഫലപ്രഖ്യാപനത്തിനു പിന്നാലെ നേമത്ത്  ബി.ജെ.പി   സി.പി.എം പ്രവര്‍ത്തകര്‍ തമ്മില്‍ സംഘര്‍ഷം.  കല്ലേറില്‍  പൊലിസ് ജീപ്പിന്റെ ഗ്ലാസ് തകര്‍ന്നു. ഇന്നലെ ഉച്ച കഴിഞ്ഞ് പഴയ കാരയ്ക്കാമണ്ഡപത്തിലായിരുന്നു സംഭവം.  
ആഹ്ലാദപ്രകടനത്തിനിടെ പ്രകോപനപരമായ മുദ്രാവാക്യം മുഴക്കി ബി.ജെ.പി പ്രവര്‍ത്തകര്‍  ജങ്,നില്‍ തടിച്ചുകൂടിയതോടെയാണ്  പ്രശ്‌നങ്ങള്‍ തുടങ്ങിയത്. ന്യൂനപക്ഷ വിഭാഗങ്ങള്‍ തിങ്ങിപ്പാര്‍ക്കുന്നിടത്തേക്ക് പോകാനുള്ള ഇവരുടെ ശ്രമത്തെ സി.പി.എം പ്രവര്‍ത്തകര്‍ തടഞ്ഞു. തുടര്‍ന്നു ഇരുകൂട്ടരും തമ്മില്‍ വാക്കേറ്റവും കല്ലേറും നടന്നു. നാമമാത്രമായ പൊലിസുകാരാണ് അവിടെയുണ്ടായിരുന്നത്. സംഘര്‍ഷത്തിനിടെയുണ്ടായ കല്ലേറില്‍ പൊലിസ് ജീപ്പിന്റെ ഗ്ലാസ് തകര്‍ന്നു.  തുടര്‍ന്നു കൂടുതല്‍ പൊലിസുകാര്‍ സ്ഥലത്തെത്തി പ്രവര്‍ത്തകരെ വിരട്ടിയോടിച്ചു. സംഘര്‍ഷവുമായി ബന്ധപ്പെട്ടു നാലു സി.പി.എം  പ്രവര്‍ത്തകരെ നേമം പൊലിസ് കസ്റ്റഡിയിലെടുത്തു.
പിന്നീട്  പ്രതികളെ വിട്ടയക്കണമെന്നാവശ്യപ്പെട്ട് സി.പി.എം പ്രവര്‍ത്തകര്‍ നേമം പൊലിസ് സ്റ്റേഷനു മുന്നില്‍ കുത്തിയിരുന്നു. ഡി.സി.പിയു ടെ  നേതൃത്വത്തില്‍ വന്‍പൊലിസ് സംഘം സ്ഥലത്ത് ക്യംപ് ചെയ്യുന്നുണ്ട്.