സ്വന്തം ലേഖകന്‍
തിരുവനന്തപുരം: ജില്ലയില്‍ ശക്തമായ ത്രികോണ മത്സരം നടന്ന തിരുവനന്തപും സെന്‍ട്രലില്‍ എ.ഐ.എ.ഡി.എം കെ സ്ഥാനാര്‍ത്ഥി ബിജു രമേശനു ലഭിച്ചത് 5762 വോട്ടുകള്‍.
യു.ഡി.എഫിലെ വി.എസ് ശിവകുമാര്‍ 10,905 വോട്ടുകള്‍ക്ക് ജയിച്ച ഇവിടെ ഇരുമുന്നണികള്‍ക്കും ഭീഷണിയുയര്‍ത്തി രംഗത്ത് വന്ന ബിജുരമേശിനു പക്ഷെ തെരഞ്ഞടുപ്പ് ഗോദയില്‍ ശക്തി തെളിയിക്കാനായില്ല. 15,000 നും 20,000 ഇടയില്‍ വോട്ട് നോടുമെന്നാണ് രമേശ് പ്രചാരണത്തിന്റെ ആദ്യനാളുകളില്‍ പറഞ്ഞിരുന്നത്. എന്നാല്‍ മത്സരം കൊഴുത്തതോടെ ബിജുരമേശ് പിന്നോക്കം പോകുന്ന കാഴ്ചയാണ് കണ്ടത്. വി.എസ് ശിവകുമാറിനെതിരെ ഗുരുതര ആരോപണം ഉയര്‍ത്തി വിവാദത്തില്‍പ്പെട്ട രമേശിനെ തെരഞ്ഞടുപ്പ് കമ്മിഷന്‍ ശാസിക്കുകയും ചെയ്തിരുന്നു. മണ്ഡലത്തിലെ ചില കേന്ദ്രങ്ങളിലെ തമിഴ് വോട്ടര്‍മാരുടെ പിന്തുണ കിട്ടുമെന്ന് പ്രതിക്ഷീച്ച രമേശിന്റെ തൊപ്പിക്ക് അതും ലഭിച്ചില്ല. കൊട്ടും കുരവയുമായി പ്രചാരണം നടത്തിയ ബിജുരമേശ് പക്ഷേ  ഒടുവില്‍ തകര്‍ന്ന് തരിപ്പണമാകുന്ന കാഴ്ചയാണ് വോട്ടെണ്ണല്‍ ദിവസം കണ്ടത്.