പെരുമ്പാവൂര്‍: ഗണിത പഠനം ആസ്വാദ്യകരവും രസകരവുമാക്കാന്‍ ഗണിതതത്വങ്ങള്‍ പരീക്ഷണങ്ങളിലൂടെ സ്വാംശീകരിക്കാന്‍ കൂവപ്പടി ബ്ലോക്ക് റിസോഴ്‌സ് സെന്ററിന്റെ നേതൃത്വത്തില്‍ മുടക്കുഴ ഗവ.യു.പി സ്‌കൂളില്‍ സജ്ജമാക്കിയ ഗണിതലാബിന്റെ ഉദ്ഘാടനം എല്‍ദോസ് കുന്നപ്പിള്ളി എം.എല്‍.എ നിര്‍വ്വഹിച്ചു.
മുടക്കുഴ ഗ്രാമപഞ്ചായത്ത് പ്രസിഡന്റ് ഷൈമി വര്‍ഗീസ് അദ്ധ്യക്ഷത വഹിച്ച യോഗത്തില്‍ വൈസ് പ്രസിഡന്റ് എ.റ്റി അജിത് കുമാര്‍, മെമ്പര്‍മാരായ ഷോജ റോയി, മിനി ഷാജി, പി.കെ ശിവദാസ്, ബ്ലോക്ക് മെമ്പര്‍ ജോബി മാത്യൂ, ബിന്ദു ഉണ്ണി, സിനു ശശി, പി.കെ രാജു, ലിസ്സി മത്തായി, ബിബിന്‍ പുനത്തില്‍, ജിഷ സോജന്‍, എല്‍സി പൗലോസ്, എസ്.നാരായണന്‍, ടി.കെ സണ്ണി, എല്‍ദോ പാത്തിക്കല്‍, പി.പി അവറാച്ചന്‍, പ്രധാനാധ്യാപിക എം.വി ജാന്‍സി, ബി.ആര്‍.സി ട്രെയിനര്‍ ഡാമിയന്‍ പോള്‍, പി.കെ ബിജു എന്നിവര്‍ സംസാരിച്ചു.
തുടര്‍ന്ന് ഗണിതം മധുരം ക്ലാസ്സ് ബി.ആര്‍.സി ട്രെയിനറായ ഡാമിയന്‍ പോള്‍ നടത്തി. എല്‍.പി യു.പി വിഭാഗം കുട്ടികള്‍ക്ക് ഗണിതക്വിസ്സും, പ്രവൃത്തിപരിചയ ക്ലാസ്സും നടത്തി. എല്‍ദോപോള്‍, എം.ജെ ധീര, വി.വി പ്രിയാകുമാരി എന്നിവര്‍ പരിപാടികള്‍ക്ക് നേതൃത്വം നല്‍കി.