കോതമംഗലം: ബസ് യാത്രക്കാരന്റെ സത്യസന്ധത വൃദ്ധനു നഷ്ടപ്പെട്ട സ്വര്‍ണം തിരികെ കിട്ടി. കോതമംഗലം പൂയംകുട്ടി റൂട്ടില്‍ സര്‍വീസ് നടത്തുന്ന ഐഷ ബസില്‍ വച്ച് നഷ്ടപ്പെട്ട രണ്ടര പവനാണ് വെളിയേലിച്ചാല്‍ വട്ടകുന്നേല്‍ മാണി പൈലി (78) ക്ക് തിരികെ ലഭിച്ചത്.
ഇന്നലെ മാലയുടെ കൊളുത്ത് നന്നാക്കുന്നതിനായി കോതമംഗലത്തേക്ക് ബസില്‍ വരുമ്പോഴാണ്‌സ്വര്‍ണം നഷ്ടപ്പെട്ടത്.പിന്നീട് ഇതേ ബസില്‍ യാത്രക്കാരനായ പെരുമ്പാവൂരിലെ ആരോഗ്യ വകുപ്പ് ജീവനക്കാരനും വെങ്ങോല സ്വദേശിയുമായ ബിനോജിന് ബസില്‍ നിന്നും ഇത് ലഭിച്ചു.
ബിനോജ് സ്വര്‍ണം ബസ് ഉടമ നാസറിനെ ഏല്‍പിക്കുകയും ഇയാള്‍ കോതമംഗലം പൊലിസിന് കൈമാറുകയും ചെയ്തു. കോതമംഗലം സ്റ്റേഷനിലെ എസ്.ഐ.മാരായ ജോ യി, ബഷിര്‍, ചാക്കോ പൊലിസുകാരായ സജി, നിജോ ഭാസ്‌ക്കര്‍ എന്നിവര്‍ മാണി പൈലിയെ കണ്ടെത്തി സ്വര്‍ണ്ണം ഇന്നലെതന്നെ കൈമാറുകയും ചൈയ്തു.