ഹൈദരാബാദ്: രോഹിത് വെമുലയുടെ ആത്മഹത്യാ വിവാദങ്ങളുടെ ചൂടാറും മുന്‍പേ ഹൈദരാബാദ് കേന്ദ്ര സര്‍വകലാശാലയില്‍ വീണ്ടും മറ്റൊരു ദലിത് ഗവേഷക വിദ്യാര്‍ഥിയുടെ ആത്മഹത്യാ ശ്രമം. ഹൈ എനര്‍ജി മെറ്റീരിയല്‍ വിഭാഗം ഗവേഷണ വിദ്യാര്‍ഥി മോസസ് അബ്രഹാം ആണ് ഞരമ്പ് മുറിച്ച ആത്മഹത്യക്ക് ശ്രമിച്ചത്. ഇന്നലെ വൈകീട്ടായിരുന്നു സംഭവം.
അധ്യാപകന്‍ മാനസികമായി ആക്ഷേപിച്ചെന്നാരോപിച്ചാണ് ആത്മഹത്യക്ക് ശ്രമിച്ചത്. പഠനം നിര്‍ത്തിപോകാന്‍ അധ്യാപകന്‍ ആവശ്യപ്പെട്ടതായും സെമിനാര്‍ അവതരിപ്പിക്കാന്‍ അനുമതി നല്‍കാതിരിക്കുകയും ചെയ്‌തെന്നും ആക്ഷേപമുണ്ട്്. ഉടന്‍ തന്നെ സമീപത്തെ ആശുപത്രിയില്‍ പ്രവേശിപ്പിച്ച അബ്രഹാം അപകടനില തരണം ചെയ്തു. ആന്ധ്രാപ്രദേശ് മച്ചിലിപട്ടണം സ്വദേശിയാണ് അബ്രഹാം.