ചെറുവത്തൂര്‍: ഒരു മണ്ഡലത്തിലും  സ്ഥാനാര്‍ത്ഥികളുടെ ജയപരാജയങ്ങളെ 'നോട്ട' സ്വാധീനിച്ചില്ലെങ്കിലും അഞ്ചു മണ്ഡലങ്ങളിലുമായി 3342 പേര്‍  ഈ നിയമസഭതെരഞ്ഞടുപ്പില്‍ നിഷേധ വോട്ടുകള്‍ രേഖപ്പെടുത്തി. കാഞ്ഞങ്ങാട് മണ്ഡലത്തിലാണ് കൂടുതല്‍ നിഷേധവോട്ടുകള്‍ രേഖപ്പെടുത്തിയത്. 856 വോട്ടുകളാണ് ഇവിടെ നോട്ടയ്ക്ക് ലഭിച്ചത്. തൃക്കരിപ്പൂരില്‍ 774, മഞ്ചേശ്വരം 646, കാസര്‍കോട് 661,എന്നിങ്ങനെയാണ് നിഷേധ വോട്ടുകളുടെ എണ്ണം. ഉദുമയിലാണ് കുറവ് വോട്ടുകള്‍ നോട്ടയ്ക്ക് ലഭിച്ചത്. 405 വോട്ടുകളാണ് ഇവിടെ നിഷേധ വോട്ടുകളായി രേഖപ്പെടുത്തിയത്