മഞ്ചേരി: ശാസ്‌ത്രോത്സവത്തിന്റെ സമയക്രമീകരണങ്ങള്‍ കര്‍ശനമാക്കാത്തതിനാല്‍ വിദ്യാര്‍ഥികള്‍ക്കു ഇന്നലെ ജുമുഅ നഷ്ടപ്പെട്ടതായി പരാതി. നേരത്തെ തയാറാക്കിയ സമയ പ്രകാരം രാവിലെ ഒന്‍പതിനായിരുന്നു മത്സരങ്ങള്‍ തുടങ്ങേണ്ടിയിരുന്നത്.
എന്നാല്‍ പത്തിന് ശേഷമാണ് പലമത്സരങ്ങളും തുടങ്ങിയതെന്ന വിമര്‍ശനമാണ് അധ്യാപകര്‍ ഉന്നയിക്കുന്നത്. മൂന്നുമണിക്കൂറായിരുന്നു മത്സരങ്ങളുടെ സമയം. കൃത്യസമയത്തു തുടങ്ങിയിരുന്നെങ്കില്‍ മഞ്ചേരി പരിസരങ്ങളിലെ പള്ളികളില്‍ വിദ്യാര്‍ഥികള്‍ക്കു ജുമുഅയില്‍ പങ്കെടുക്കാമായിരുന്നുവെന്നും ഉത്തരവാദപ്പെട്ടവര്‍ ഇക്കാര്യം വേണ്ടത്ര ഗൗനിച്ചില്ലെന്നും അധ്യാപകര്‍ പറഞ്ഞു.