തളിപറമ്പ്: കണ്ണൂര്‍ തളിപ്പറമ്പ് ദേശീയപാതയില്‍ ബക്കളത്ത് വാഹനാപകടത്തില്‍ എട്ടുപേര്‍ക്ക് പരുക്ക്. ഒരാളുടെ നില ഗുരുതരം. ഇന്ന് പുലര്‍ച്ചെ നാലോടെ താഴെ ബാക്കളത്തായിരുന്നു അപകടം. ഇന്നോവയും ഗ്യാസ് ടാങ്കര്‍ ലോറിയും കൂട്ടിയിടിച്ചുണ്ടായ അപകടത്തില്‍ ഇന്നോവ യാത്രക്കാരായ അഞ്ചു പേര്‍ക്കും, രക്ഷാപ്രവര്‍ത്തനത്തില്‍ ഏര്‍പെട്ടിരുന്ന മൂന്നു പേര്‍ക്ക് മറൊരു വാഹനമിടിച്ചുമാണ് പരുക്കേറ്റത്.

വാളാഞ്ചേരി സ്വദേശികളായ പാറക്കാട്ടില്‍ മുഹമ്മദ് കുട്ടി(62), ഫാത്തിമ (47), ഫൗസിയ (28), റംസീന(26) എന്നിവരെയും ചൊറുക്കള സ്വദേശികളായ മെഹറുഫ് (21), മുഹമ്മദ് ഷിബിലി(28), മുഹമ്മദ് നിഷാദ് (21) എന്നിവരെയും തളിപ്പറമ്പ് ലുര്‍ദ ആശുപത്രിയിലും ഗുരുതരമായി പരുക്കേറ്റ ഇന്നോവ ഡ്രൈവര്‍ ഫിറോസി(28)നെ പരിയാരം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.