കാസര്‍കോട്: ചെമ്മനാട് കപ്പണടുക്കത്ത് യുവതിക്ക് നേരെ കാമുകന്‍ വെടിയുതിര്‍ത്തു. മൂന്നുറൗണ്ട് വെടിയേറ്റ് ഗുരുതരാവസ്ഥയിലായ യുവതിയെ മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചു. 

ചെമ്മനാട് കപ്പണടുക്കത്ത് താമസക്കാരിയായ മടിക്കേരിയിലെ ഖമറുന്നിസ (30) എന്ന യുവതിക്കാണ് വെടിയേറ്റത്. കഴിഞ്ഞ ദിവസം രാത്രിയിലാണ് സംഭവം നടന്നത്. യുവതിയുമായി ബന്ധമുള്ള മൈസൂര്‍ സ്വദേശി തൗസീഫ്(35) എന്നയാളാണ് വെടിവച്ചതെന്ന് പൊലിസ് പറഞ്ഞു.

ഇയാള്‍ സംഭവത്തിന് ശേഷം മൈസൂരിലെത്തി തൂങ്ങിമരിക്കുകയും ചെയ്തു. ഒറ്റപ്പെട്ടു കിടക്കുന്ന ഈ വാടകവീട്ടില്‍ വച്ച് വെടിയേറ്റ സംഭവം പുറംലോകം ആരും അറിഞ്ഞിരുന്നില്ല. വിവരം ലഭിച്ചതിന്റെ അടിസ്ഥാനത്തില്‍ വിദ്യാനഗര്‍ സി.ഐ ബാബു പെരിങ്ങേത്തിന്റെ നേതൃത്വത്തിലുള്ള പൊലിസ് സംഘം സ്ഥലത്തെത്തി അന്വേഷണം ആരംഭിച്ചു.