കരുനാഗപ്പള്ളി: നരേന്ദ്രമോദി ഇന്ത്യ കണ്ട ഏറ്റവും വലിയ തുഗ്ലക്കാണെന്ന് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍.മഹേഷ്.
രാജ്യത്തെ നൂറുകോടിയിലധികം ജനങ്ങളെ ഒറ്റരാത്രികൊണ്ട് ക്യൂ വിലെത്തിച്ച ഏറ്റവും ഭ്രാന്തനായ പ്രധാനമന്ത്രിയായി ചരിത്രം നരേന്ദ്രമോദിയെ വിലയിരുത്തുമെന്നും അദ്ദേഹം പറഞ്ഞു.
ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ സ്റ്റേറ്റ് ബാങ്ക് ഓഫ് ഇന്ത്യയുടെ മുമ്പില്‍ നടന്ന പ്രതിഷേധ ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്റ് എന്‍.അജയകുമാര്‍ അധ്യക്ഷനായി. ചിറ്റുമൂല നാസര്‍, എം.അന്‍സാര്‍, മുനമ്പത്ത് വഹാബ്, രമാ ഗോപാലകൃഷ്ണന്‍, ബിന്ദു ജയന്‍, ആര്‍.ശശിധരന്‍പിള്ള, ജയകുമാര്‍, ടോമി എബ്രഹാം, മണിലാല്‍ എസ് ചക്കാലത്തറ, മഞ്ജുക്കുട്ടന്‍, ഷിബു.എസ്.തൊടിയൂര്‍ എന്നിവര്‍ സംസാരിച്ചു. പ്രകടനത്തിന് ജോണ്‍സണ്‍ വര്‍ഗീസ്, സോമന്‍പിള്ള, എന്‍.രമണന്‍, കല്ലേലിഭാഗം ബാബു, കളീക്കല്‍ മുരളി, സെവന്തികുമാരി, സി.പി.പ്രിന്‍സ്, കുന്നേല്‍ രാജേന്ദ്രന്‍, സുഭാഷ് ബോസ്, സത്താര്‍ കരുനാഗപ്പള്ളി, എം.എം.സലീം എന്നിവര്‍ നേതൃത്വം നല്‍കി.