അടിമാലി : പടി വാങ്ങി വിധി അട്ടിമറിയ്ക്കുന്നുവെന്നാരോപിച്ച് രക്ഷിതാക്കാളും മത്സരാര്‍ത്ഥികളുമടക്കമുള്ളവര്‍ വിധി കര്‍ത്താക്കള്‍ക്കെതിരേ തിരിഞ്ഞത് സംഘര്‍ഷത്തിനിടയാക്കി. സംഭവത്തെതുടര്‍ന്ന് ഫോക്ക് ഡാന്‍സ് മത്സരം അലങ്കോലപ്പട്ടു.
ഇന്നലെ നാല് മണിയോടെയായിരുന്നു സംഭവം. രണ്ടുദിവസമായി പുകഞ്ഞുകൊണ്ടിയിരുന്ന പ്രശ്‌നമാണ് ഇന്നലെ പൊട്ടിത്തെറിയിലായത്. കണ്ണുരില്‍നിന്നും കുട്ടിയുമെത്തിയ അഡ്വ ശാന്തിയാണ് പ്രോഗ്രാം കണ്‍വീനര്‍ക്ക് പരാതി നല്‍കിയത്.
വിധി കര്‍ത്താക്കള്‍ക്കെതിരെ ജനം തിരഞ്ഞതോടെ പൊലിസെത്തി സ്ഥിതി ശാന്തമാക്കാന്‍ശ്രമിച്ചെങ്കിലും കൂടുതലാളുകള്‍ എത്തിയതോടെ പരിപടി അലങ്കോലപ്പെടുകയായിരുന്നു. ശബ്ദമുഖരിതമായ അന്തരീക്ഷത്തില്‍ നീതി നിഷോധിക്കപ്പെട്ട് എറണാക്കുളം കാക്കനാട് നിന്നെത്തിയ ഐശ്വര്യ മാധ്യമ പ്രവര്‍ത്തക്കാരുടെ മുന്നില്‍ പൊട്ടിക്കരഞ്ഞു. വിധി കര്‍ത്താക്കളെ കുടുതല്‍ പൊലിസെത്തി മറ്റൊരു മുറിയിലേയ്ക്ക് മാറ്റുകയായിരുന്നു.