പെരിന്തല്‍മണ്ണ: 14 വയസിനു താഴെയുള്ളവരുടെ ഉത്തര മേഖലാ അന്തര്‍ജില്ലാ ദ്വിദിന ക്രിക്കറ്റ് മത്സരത്തില്‍ കണ്ണൂരിനെതിരേ മലപ്പുറം പൊരുതുന്നു. പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ നടക്കുന്ന മത്സരത്തില്‍ ടോസ് നേടി ബാറ്റിങിനിറങ്ങിയ കണ്ണൂര്‍ ഒന്‍പതു വിക്കറ്റ് നഷ്ടത്തില്‍ 176 റണ്‍സെടുത്തു. ഒമര്‍ അബൂബക്കര്‍ 39 റണ്‍സും, ആദിത്യ പ്രകാശന്‍ 38 റണ്‍സും നേടി. മലപ്പുറത്തിന്റെ ആര്‍. ഹരിഗോവിന്ദ് മൂന്നു വിക്കറ്റ് നേടി. തുടര്‍ന്ന് ഇന്നിങ്‌സ് ആരംഭിച്ച മലപ്പുറം ഇന്നലെ കളി നിര്‍ത്തുമ്പോള്‍ 28 ഓവറില്‍ ഒരു വിക്കറ്റ് നഷ്ടത്തില്‍ 63 റണ്‍സെടുത്തിട്ടുണ്ടണ്ട്. 32 റണ്‍സുമായി ക്യാപ്റ്റന്‍ കാമില്‍ അബൂബക്കര്‍ പുറത്താകാതെ നില്‍ക്കുന്നു.