കല്‍പ്പറ്റ: രഞ്ജി ട്രോഫി ഗ്രൂപ്പ് ബിയില്‍ ഡല്‍ഹിയും രാജസ്ഥാനും തമ്മിലുള്ള മത്സരം നാളെ മുതല്‍ വയനാട് കൃഷ്ണഗിരി സ്റ്റേഡിയത്തില്‍ നടക്കും.

പരിശീലനത്തിനായി ടീമുകള്‍ കൃഷ്ണഗിരിയിലെത്തി. ഡല്‍ഹിക്കായി ഗൗതം ഗംഭീറും ശിഖര്‍ ധവാനും കളത്തിലിറങ്ങും. മുന്‍ അണ്ടര്‍ 19 ഇന്ത്യന്‍ ക്യാപ്റ്റന്‍ ഉന്മുക്ത് ചന്ദാണ് ഡല്‍ഹി ടീമിന്റെ നായകന്‍. പങ്കജ്് സിങിന്റെ നായകത്വത്തിലാണ് രാജസ്ഥാന്‍ ടീം എത്തുന്നത്. രജത് ഭാട്ടിയ, രാജേഷ് ബിഷ്‌ണോയി, അശോക് മെനാരിയ, വിനീത്  സക്‌സേന തുടങ്ങിയവരും രാജസ്ഥാനു വേണ്ടി കളിക്കും.

ഗ്രൂപ്പ് ബിയില്‍ അഞ്ചു മത്സരങ്ങളില്‍ നിന്നായി ഒരു വിജയവും ഒരു തോല്‍വിയും മൂന്നു സമനിലകളുമായി 12 പോയിന്റോടെ ഡല്‍ഹി നാലാം സ്ഥാനത്താണ്.  ആറു മത്സരങ്ങളില്‍ നിന്നു ഒരു വിജയവും രണ്ട് തോല്‍വിയും മൂന്നു സമനിലകളുമായി ആറാം സ്ഥാനത്താണ് രാജസ്ഥാന്‍.